حملـة فريـق بهدلـة للمساهمات الانسـانيـة - تبرع بنقطـة دم

[Mr BebO]

زي ما قالوا زمـان : اللي يعيـش ياما يشـوف

وفعـلا شفت كتيـر وانا لسـه صغير

شفت راجل بينتحـر عشـان سعر أزازة الزيت غلي , شفت أم بتقتل ولادها عشان مش عارفه لما يكبروا هتربيهم ازاي , شفت اخ بيقتل اخوه عشـان خايف ان الميراث يتقسـم علي اتنين ,شوفت ....... ,شوفت ....... ,وشوفت ....... .

لكـن أول مره اسـمع قبـل ما أشـوف واحس بكدمـة خوف .....

المره دي سمعت تليفون من واحد عزيز عليا بيتصل بيا
وبيقلي بصوت كلـه خجل " معلشي يا بيبو , انت فصليه دمك ايـه "

والله اتلجمت في الرد مش عشان بس مكنتش متأكد من فصيلـة دمـي , لكن اتلجمت كمـان عشـان نبـرة القلق اللي سمعتها بودنـي .....

كت باخد الطريق بسرعـة عشـان اقدر اوصل وخلاص , حتي لو هكون جمبـه وبس ودا مكنش ليـا انا بس لكن لقيت ناس كتير كمـان بيعملوا اكتـر كتيــر من اللي بعملـه

بعد شويـة وصلت لصحبي المستشفـي , يمكـن كان بيبتسـم ويضحـك معايا ومعانا كلنـا ولما اسأله الحاجه عامله ايه يقلي الحمد الله بخيـر

بس كت شايف ..... ,كت شايف بقلبي احساسـه , قلقه, خوفه , سامع بقلبي صوت دموعه جواه , وهو بــ( ــيحاول بأي طريقـة يتصـرف عشـان شويـة دم ) .......

بعد فتـرة طويلـة من التعب والتليفونات والمشاوير واللف والدوران والقلق يزيـد ونتصل بمراكز معروفه وغيره وغيره وغيره , الحمد الله قدر يوصل للعدد المطلوب للتبرع عن طريق القدر .....

يا تري المفروض اقول توته توتا ,خلصت الحدوتـه ..؟!
ولا اقلكـوا ها يا شطار قصتنـا حلوة ولا ملتوتــه ..؟!

لا للأسف مش دي نهايـة الموضوع

دا بـس موقف اتعلمت منـه ,علمنـي احط نفسـي مكان غيري , عملني احس باحساس غيري , علمني اعاني لما يعانوا , واعيط لما يعيطوا .....

~~~~~~~~~~~~~~~~~

تخيـل منظـرك .......

انت الراجل الوحيد في البيت , والدتـك تعبانه جدا ومحتاجه 3 اكياس دم من فصيلة معينه يأما لا قدر الله ممكن يتطور المرض جدا ويصبح في حالة يأس .....

تخيل المسؤليـة اللي عليـك !!

ميت سؤال بيدور في بالك وحتي حاسس ان معدش فيه وقت عشان لسـه تدور علي اجابتهم !!

هعمل ايــــــــــــــــــــــــــــــــــــه ؟!
مين هيجيبهملــــــــــــــــــــــــــي ؟!
طب لو بفلوس هدفعهــــــــم ازاي ؟!
اروح انده في الشارع علي اي حد ؟!
......... ؟! .......... ؟! ...... .

اقسـم بالله وانا بكتب الجزء اللي فات دا جسمي كله قشعـر ودموعـي حسيت انها قربت تنـزل .

طب صحبي الحمد الله وفي اخر الوقت قدر يتصرف ...

طب واللي مقدرش ؟!
طب واللي ملوش اصحاب ؟!
طب واللي الزمـن بعده عن كل الناس ؟!
طب واللي الظروف منعته من مخالطة الناس ؟!
طب واللي اهله بعده عنه ونسيـوه ؟!
طب واللي يعتبر اخونا واختنا ؟!

|| كل دول مصيرهم ايــه ؟! ||

مصيرهم ايه لو ملقوش الدم اللي بيــه يقدروا يعدوا أزمـه وقفت في حياتهم !!

يا اخوه يا مسلمين هو مش نبينا ورسولنا الكريم محمد صلي الله عليه وسلم قال "مثل المؤمنين في توادهم وتراحمهم وتعاطفهم مثل الجسد الواحد إذا اشتكى منه عضو تداعي له سائر الجسد بالسهر والحمى" رواه البخاري

وانتم يا اخوه يا مسيحين كبير شعراءكم رياض جرمق قال :

إذا أعطيتَ فأعطِ مِنْ دونِ حسـاب
وإذا حاسبتَ فحاسبْ مِنْ دونِ عتاب

الموضوع دا مش مجـرد نداء , بل توسـل ورجاء

أقسـم بالله ويشـهد صديقي علي دا اني كنت علي استعداد كامل امبـارح اني أقف في الشـارع وأي شخص معدي أوقفـه واسأله عن فصيلة دمـه عشـان يتبرع ......

حسيت اد ايـه بمعنـي كلمـة احتيـاج ......

قبـل ما اكتب الموضوع دا , قعدت اقرأ كل حاجه عن التبرع بالدم ....

• هل التبرع من المهام السهلة ؟!
• ماذا أفعل قبل التبرع بالدم ؟!
• ماذا أفعل بعد التبرع بالدم ؟!
• هل توجد مضاعفات قد أتعرض لها ؟!
• ما مدى استفادة المرضى من تبرعك ؟!
• ما الوقت المستغرق للتبرع بالدم ؟!
• ما معدل مرات التبرع بالدم ؟!
• ما كمية الدم التي يتم أخذها مني ؟!
• لماذا يجب عليَّ أن أكون متبرعًا ؟!
• من يستطيع التبرع بالدم ؟!
• ما الأسباب التي تمنعني من التبرع ؟!
• هل توجد أي خطورة في التبرع ؟!

بعـد اللي شفتـه , واللي حسيته وعرفتــه .....

النهارده جاي اطلب منكـم مساعده , اطلب منكـم كلمـة اتعودنا عليها في بهدلـة , اطلب منكـم اننا نكون اسره واحده بجـد ......

معملتش الموضوع دا عشان الكل يخش يقول مشكـور وتوبيك هايل !!

عملـت الموضوع دا عشـان أنفذ فكـرة كاملـة , فكـرة بيها نقدر نلحق شخص قبل ما يمـوت ,بيها نساعد ام واب وطفل وطفله عشان منشوفش منهم لحظه دمـوع .


كل شخص قرأ الموضوع دا عايزه يفتكـر امـه واخوه , أختـه وابوه , أبنـة وبنتـه , يحط مكان المريض حد منـهم ويشوف هو هيعمـل ايـه ؟!

أسـف علي المقدمـة الطويلـة جدا ,لكن مكتبتش بايدي ولا بعقلي فاعذروني علي الأطالـة .
~~~~~~~~~~~~~~~~~

الفكـرة بأختصـار : هعمـل موضوع جديد منفصـل عن الموضوع دا هيكـون خاص بتسجيـل بيانات أي شخص عايز يتبرع بالدم في اي لحظـه حد يطلبـه فيها ويكون محتاج الدم دا

يعني هنكتب جوا الموضوع دا اسماءنا ومكانا وفصيله دمنـا وكل البيانات اللي هتكون مطلوبـه في الموضوع

هحتفظ انا بالارقام والبيانات دي في تسلسل رقمي معايا , وهعرض رقـم تليفون خاص بيـا هنـا وبأذن الله هنوزع ورق عشـان لو حد احتاج دا برده وهحاول اعمل اعلانات اكتر برده علي النت , واي حد هيحتـاج تبرع للدم واتصل بالرقم دا , هيتصل بيـا ويديني بيانات الشخص اللي احنـا المفروض نتبرعلـه ,وبعدهـا هشوف من البيانات اللي معايا للأشخاص اللي مسجلين اسمهم وبياناتهم في الموضوع مين هو أنسـب شخـص يقدر يتبرع من حيث المكان والفصيله وخلافـه ,واتصل بيـه ونروح للي محتاج الدم دا ونتبرع بيـه في المستشفـي ....
~~~~~~~~~~~~~~~~~

مطلـوب من الكـل يسجـل بياناته الاتيـه في الموضوع الخاص بالتبرعـات :

1- ( الاسم الثلاثـي - تاريخ اليـوم - المدينـة < بداخل مصر > - فصيلة الدم - السـن - آخر تاريخ تبرع < لو معروف او حتي بالتقريب > ) .
2- ارسال رسالة خاصـة ليـا < من هنـا > بنفس البيانات اللي فوق مع اضافـة رقـم التليفون والبريد الالكترونـي ولو حد موافق علي التبرع بمقابل مدي حتـي فان شاء الله هيكون فريق بهدلة كفيـل كاملا بالنقطـه دي ودا من حق اي شخص .



لتسجيـل بيانات المتبرعين يرجي الضغط هنـا ......

[Mr BebO]

هل التبرع من المهام السهلة، وما الخطوات؟

- نعم، فهو من المهام السهلة، ولا تعتبر الخطوات شيئًا صعبًا، ولكن يجب مراعاة ما يلي:

- يجب ملئ استمارة التبرع بعد قراءة ورقة الأسئلة.

- ثم يتم إجراء بعض القياسات من أجل سلامة المتبرع:

- وزن الجسم.

- ضغط الدم.

- الهيموجلوبين.

- ثم سحب الدم.

[Mr BebO]

ماذا أفعل قبل التبرع بالدم؟

- احصل على قسط كاف من النوم ليلة التبرع.

-تناول وجبة متوازنة قبل التبرع بحوالي ساعتين.

- عليك شرب سوائل (خالية من الكافيين) أكثر من المعتاد بقليل.

[Mr BebO]

ماذا أفعل بعد التبرع بالدم؟

- زاول نشاطك المعتاد بعد التبرع، مع تجنب المجهود البدني الزائد.

- اشرب كمية من السوائل أكثر بقليل من المعتاد خلال الساعتين التاليتين للتبرع.

- تجنب ممارسة رياضة عنيفة خلال 24 ساعة بعد التبرع.

- إذا كنت مدخنا لا تدخن لمدة ساعتين بعد التبرع؛ لأن استنشاق الدخان يحفز الدم للذهاب للرئتين مسببًا حالة من الدوار والشحوب.

[Mr BebO]

هل توجد مضاعفات قد يتعرض لها المتبرع؟

- لا توجد مضاعفات للتبرع بالدم طالما قام الطبيب بتوقيع الكشف الطبي عليك، وأقر ملاءمتك للتبرع.

- يعوض الجسم كمية الدم التي فقدت خلال ساعات، وأغلب الناس يزاولون أنشطتهم العادية بعد التبرع.

- نادرًا ما تحدث بعض الأعراض؛ مثل الدوخة أو القيء، وتزول تلقائيا بعد فترة وجيزة.

[Mr BebO]

ما مدى استفادة المرضى من تبرعك بالدم؟

يمكن أن يستخدم التبرع بالدم لمساعدة مختلف المرضى؛ حيث يمكن فصل عبوة الدم الواحدة إلى مكونات مختلفة، وهذه المكونات تقدم للمرضى الذين يعانون من

الأنيميا واختلالات التجلط، ضحايا الحوادث، والذين يجرى لهم عمليات جراحية… إلخ.

ودائمًا تتجاوز الحاجة للدم ما هو متوافر، ولذا بإمكانك التأكد من عدم إهداره.

[Mr BebO]

ما الوقت المستغرق للتبرع بالدم؟

يستغرق الوقت الفعلي للتبرع بالدم من 8 -10 دقائق، ولكن تستغرق الزيارة

بأكملها مدة تتراوح بين 15-20 دقيقة.

[Mr BebO]

ما معدل مرات التبرع بالدم؟

يمكنك التبرع كل ثلاثة أشهر، ويبدأ الجسم بتعويض الدم الذي تم فقده فور التبرع بالدم.

ما كمية الدم التي يتم أخذها من المتبرع في المرة الواحدة؟

- يتم أخذ من 400 إلى 450 مليلترا، وهو ما يمثل حوالي 1/12 من حجم الدم

الموجود داخل جسم كل إنسان، والذي يتراوح بين 5 إلى 6 لترات.

[Mr BebO]

لماذا يجب عليَّ أن أكون متبرعًا بالدم؟

- كل ثلاث ثوان هناك شخص يحتاج إلى نقل الدم.

- واحد من كل عشرة مرضى يدخلون المستشفى في حاجة إلى نقل الدم.

- دمك يمكن أن ينقذ أربعة أشخاص عند فصل مكوناته وليس شخصًا واحدًا.

- تعيد عملية التبرع بالدم الحيوية والنشاط للجسم بسبب تجدد خلايا الدم.

- يمكن للمتبرع الحصول على نتائج فحوصات المسح الخاصة به، بما فيها فصيلة الدم.

[Mr BebO]

من يستطيع التبرع بالدم؟


- المتبرع يجب أن يتمتع بصحة جيدة؛ خاصة في هذا اليوم.

- عمره يتراوح بين 18-60 سنة.

- الوزن يكون 50 كيلو جرامًا على الأقل.

- يكون خاليا من أي أمراض تتعارض مع عملية التبرع.

- أن يرغب المتبرع في التبرع بالدم.