مدينة بهدلة ليست بعدد أعضائه وكثرة مواضيعه ، بل بمدى ترابطهم وتميز ردودهم ونقاء أفكارهم واختلافهم
 :: مواضيع جامده طحن :: |
|
|
| |||||||
| المواضيع العامــــــــة لكل المواضيع اللي ملهاش مكان في الأقسام الباقيـــة .......... |
 |
| | LinkBack | أدوات الموضوع | انواع عرض الموضوع |
02-08-2010
| ||||
| ||||
 حفلة ست الحبايب  فضلت يومين نايم شبه غيبوبه وسخونيـه دايمه , اليومين دول كت كل فترة افتح عيني بس وبعدها محسش بأي حاجه تاني في المستشفي , كل ما كت افتح عيني الاقي والدتي هي اللي حمبي ودموعها علي خدها ...... ياااااااه مواقف كـتير اوي فاكر فيها اني شفت حب امي ليا في عنيها , مواقف كتير اوي فاكرها شفت فيها خوف أمي عليا فيها , مواقف كتير اوي فاكرها شفت فيها يعني ايـه حد يديك كل حاجه من غير ما يعوز ياخد منــك حاجــه ...... الاحاسيس دي بجد عارف انها موجوده فينـا كلنــا , لكــن الفترة اللي فاتت كنت براقب اختي وهي بتتعامل مع محمد ابنها ..... حسيت اني مقصر اوي , لأ بجد حسيت اني ولا حاجــه , يعني امي كانت بتعمل كل اللي اختي بتعملها لأبنها دا ليـــا , وانا مبعملهاش اي حاجـــه ...  ساعتها قررت اعمل حاجــه , مهما كانت ولو بسيطـة وتافهة بالنسبة للناس هعملها . والدتي كانت بتزور اخواتها , بعتلها رسالة وقلتلها فيها : " ماما انا بحبك أوي  " ( اه انا معملتش الوش المكسوف دا في الصورة بس انا بجد كنت مكسوف  )والله العظيــم والدتي تاني يوم وصلت البيت الساعه 6ونص الصبح وصحتني من النــوم بتقلي مالك يا محمد فيه ايه وهي مخضوضه  ..... افتكرتني هيحصلي حاجه  بس فعلا عذرتها , احنا كلنا بنحب امهاتنا لكـن مين فينـا بيقول لوالدته بحبك كام واحد بيقلها ليها وهو حاسسهـا , اساسا بنعمل ايه لوالدتنـــا ؟! تعرفوا والله سمعت ام واحد صحبي وهي شبه بتعيط عشـان حاسه من تعامل ابنها انه مبيحبهاش , وياتري هو فعلا مبيحبهاش ؟بالعكس والله بيحبها وانا متأكد من كدا , لكن مره ما بين دا ليها ولا قلها طب وانا يا تري والدتي عارفه بجد اني بحبها ؟ لمـا سألت نفسي السؤال دا للأسف معرفتش ارد عشــان كدا قررت اعمل حاجه ليهــا , حتي ولو بسيطة لكــن علي الاقل هقلها اني بحبك وانك بجد اغلي انسانه لقلبي , علي الاقل باللي هعمله ليها هقلها تسامحني علي اني مكنتش كل يوم بوطي ابوس ايديها واشكرها ....... سيبكـوا من حتت عيـد الأم والكلام دا لا هي طالبه معايا , ولا بحب الحوار دا مش عارف ليه  انا فكرت في فكرة وحبيت الكل يشاركني فيهــا , اخواتي واصحابي وزمايلي وحتي الناس اللي معرفهمش , حبيت ادي فرصة لكل واحد نفسه يعمل حاجه لوالدته يقدر بيها يوصل مشاعره ليها وتفضل فكرهاله طول العمر بالخيـــر انه يقدر يعمل كدا الفكــرة دي عبــارة عن حفلة هنعملها كلنـا مع بعـض , الحفلة دي من نوع خاص هنعمل حفلة تكون متنظمه لأمهاتنا وبـس ونقدملهم فيهــا هديــة وجواب اوضحلكوا اكتر الفكـرة , هنجحــز كافيـة في يـوم هنحدده كلنا مع بعضـنا وكل شخص مننا هيجيب والدته معاه ( طبعا من غير ما تعرف ) يعني مثلا انا هقول لوالدتي فيـه حد صحبي جدا تعبان في المستشفي ولازم تيجي معايا ( دا مجرد مثال ) وهجيبها ونطلع المكان هتقول فيه ايه مفيش , لحد ما نتجمع كلنــاوبعد كدا هتخش التورت والمشاريب مثلا وكل واحد فينا يقدم لوالدته الهديـة والجواب هو الحوار يعني له توضيح اكتر من كدا , بس صراحه عايز اكمل فيلم ( Ocean )هي دي الفكـرة مجملـة انا مش بعرضها عليكم عشان حد يوافق او يرفض , انا من نفسي هعملها ولو واحدي ان شاء الله حتي لو بطريقة مختلفة .... لكـن زي ما قلت انا بدي فرصة لينا كلنا نبين مشاعرنا لأمنا ... اللي عايز يشتـرك في الفكرة دي يكتب في الموضوع وهكلمه علي الميل لما نبدأ نحدد المعاد واتكلم معاه في التفاصيـل لو فيـه بنات عايزه تعمل كدا ومش هينفع يتكلموا فممكن لو ليهم اخوات ولاد يقلولهم علي الفكـرة وهما يتكلموا معانا وساعة تنفيذ الحفلة اكيـد يقدروا يجوا معاهم , وكدا كدا هيكون امهاتهم معاهم ( دا عشان الدماغ الواطيـه بس ) ... وبرده هيكـون في اول الحفلة تعريف ان محدش مننـا كلنــا يعرف بعـض مجرد دعوه من علي النت عشان حفلة لأمهاتنا ( عشان الامهات متفهمش غلط وكل واحد يدبس في علقة )
|
|
02-08-2010
| رقم المشاركة : [2 (permalink)] |
| مشرف الترحيبات والتهاني   | رد: حفلة ست الحبايب انا والله العظيم نفسى من زمان اعمل اى حاجه لأمى احسسها بيها انى بحبها والله لو قالتلى ارمى نفسك فى البحر هرمى (عشان بعرف اعوم )بس بجد نفسى فى حاجه ذى دى من زمان  معاكوا ان شاء الله وان شاء الله هنتفق على الاغنيه اللى كلنها هنغنيهالهم ودى توزيعى انا وبيبو ست الحبايب يا حناننـــــــــــــــــت مش عارف ليه بنغنيها انا وبيبو ونقعد نضحك بعدها |
|  تقرير بمشاركة سيئة |
|
02-08-2010
| رقم المشاركة : [3 (permalink)] |
| مشرفة قسم التسالى  | رد: حفلة ست الحبايب اولا التوبيك جميل اوى يا بيبو والفكرة جاااااااااامدة جدا بجد تسلم دماغك وانا مش عارفه هقدر اشترك بجد انت عارف اخواتى الولاد الاتنين فين  بس بجد حلوة اوووووووووووى وياااااااااارب يقدرك وتقدر تقدم لمامتك كل حاجة حلوة وهتابع واشوووووووووف باقى التوبيك مييييييييييييرسى يا بيبو |
|
| تقرير بمشاركة سيئة |
|
02-08-2010
| رقم المشاركة : [4 (permalink)] |
| عضـوية خاصـة  | رد: حفلة ست الحبايب الفكرة جااامد بجد ربنا يخلي امهاتنا يارب ياريت كنت فى المنصورة بجد كنت جيت انا وماما بس لاسف انا بعيدة عن المنصورة بس ابقى قول انتم عاملتو ايه فى الحفله وصور بقى ماشى |
|
| تقرير بمشاركة سيئة |
|
02-08-2010
| رقم المشاركة : [5 (permalink)] |
| أتبـهــدل معـــانـا  | رد: حفلة ست الحبايب لالالالا مش دماغ ..... لالالالا خااااااالص دي دماغ عاليه جدددددددددا و جامده اخر حاجه ايه يا بيبو يا خبرررر ع فكره جامده جددددددددددددددددا بس بجد تسلم الفكره جامده ع فكره كلمه ((وحشتيني يا امي )) و تبوس ايديها انا باحس ان انا بوصل احساسي ل ماما كده و انا عندها اصلا بالدنيا خيرررر دي ماما حبيبت قلبي امنونا و بس بس سوري مش هقدر اشترك بس هعملها هنا ان شاء الله انا واخواتي و ثانكس ع الفكره  |
|
| تقرير بمشاركة سيئة |
|
02-08-2010
| رقم المشاركة : [6 (permalink)] |
| BHDLA TEAM  | رد: حفلة ست الحبايب حلوة الفكرة اوى الواد ميلانو لما قاللى عليها عجبتنى جداااااااا  افكارك دايما جامدة يا واد يا محمد  ان شاء الله هدرس الفكرة كدهون بينى وبين نفسى عشان انا عاوزة فعلا اعمل حاجة لمامتى عشان انا فعلا تعبتها معايا الفترة اللى فاتت دى (كانت بتيجى معايا عند الدكتور كل شوية فاكر يا واد يا محمد  )نيس فكرة يا بيبو |
|
| تقرير بمشاركة سيئة |
|
02-08-2010
| رقم المشاركة : [7 (permalink)] | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
| كـبيـر البهدلاويــة  | رد: حفلة ست الحبايب
بصراحه مكتش راضي اعترفلك بدا انا كت بضحك عشان بيبقي شكلك عبيت اوي وانت بتقولها بهزر يا معلم اساسي كدا انا وانت لحد دلوقتي وأسلام انا والدتي ووالدة بيبسي ووالدة الروماني اكيد هجيبهم حتي لو بيبسي والروماني مش جايين
ربنا يرجعهملك بالسلامه ان شاء الله يا بوسي عموما حاولي تيجي ووالدتك هتكون معاكي كدا كدا فدا متهيألي مفهوش مشكلة لكــن لو مقدرتيش , ممكن تعملي الفكرة دي انتي واصحابك البنات عندكـوا مثلا مع بعض كلكم
اكيـد ان شاء الله
مش مهم تتعمل معانا او في اي حتــه , المهم تتعمل ان شاء الله انا كنت بقول معانا بس عشان يكون فرصة للكل مره واحده وثانكس علي الرد
ايون فاكر , ربنا ما يعودها ايام ميلانو بيسيح  , وربنا منا قايله حاجه تاني قبل ما انفذها  انتي هتجيبي ماما من غصب عنك مليش دعوة  | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| تقرير بمشاركة سيئة |
|
02-08-2010
| رقم المشاركة : [8 (permalink)] | |||||||||||||||||||||||||||||||||||||||||||||||||||||||||||||||||||||||||||||||||||||||||||||||
| مشرف الترحيبات والتهاني | رد: حفلة ست الحبايب
اوبااااااااااااا , هى بقت كدا طب انا بئه مش هقولك انا بضحك ليه ابقى اعرف بعد كدا لواحدك بئه يا خفيف الظل
ايون كدا اتعدل
اسلام اخويا ؟وانا عليا البنات
عادى بئه يا حمام مانا ياما سيحت وبتقولى انك مش هتقولى وبتقولى فى الاخر والهوارى معانا بردوك والعوضى وهشوف الواد محمد فهمى دنا هجيبلك العزبه كلها | |||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
| تقرير بمشاركة سيئة |
|
02-08-2010
| رقم المشاركة : [9 (permalink)] |
| أتبـهــدل معـــانـا  | رد: حفلة ست الحبايب فكره جامده جدااااااااااا ايه الدماغ دى يا بيبو بس للاسف مش هقدر انفذها معاكو عشان اخويا مسافر وانا وممتى هوم الون  بس ممكن اعملها فجاه واحنا سوا واكيد متابعه معاكو فى التوبيك  ومنتظره اخبار الحفله |
|
| تقرير بمشاركة سيئة |
|
02-08-2010
| رقم المشاركة : [10 (permalink)] | ||||||||||||||||||||||||||||||||||||||
| كـبيـر البهدلاويــة | رد: حفلة ست الحبايب
ابو اشكالك , دتك خابط في نافوخك متقولي بسم الله ما شاء الله يا بت انتي
انا عندي حتت فجأة ليكي يا مونمون اموووووووت وحبيبك يعملهالك عشان يعبرلك بيها عن حبه بصي انا هقلهالك وانتي تقليهاله وهو يعملها اشتــه ؟ بصي قليله يعمل كدا .... وانتي نازله من البيت يجري عليكي ويكون معاه ازازة مية نار ويقوم راششها عليكي ولا اكنها بيرفن , بصي عايزه يغرقك من الاخر يشوهك وبعد كدا بئــه يجيلك وانتي مشوهة كدا ومفيش كلب يرضي بيكي اساسا ويقلك انا بحبك انتي لا بحب شكل ولا هيئه انا بحبك من قلبي وهفضل معاكي طول حياتي مهما حصل يا قلبي وبكدا تكوني اتأكدتي انه بيحبك بأخلاص طبعا قومي صلي الفجر بئــه | ||||||||||||||||||||||||||||||||||||||
|
| تقرير بمشاركة سيئة |
|
| مواقع النشر (المفضلة) |
 (عرض تفاصيل اكثر)
الاعضاء الذين شاهدو الموضوع : 51
| |
| a7med 7amdi , a7med TOlba , لمبه شو , لمسة منى , AHMED FAWZY , ميدووووو مصر , ميه ملحه , amnona , أسيرت الذكريات , as3adsamy , BaSHoUshA , احلام عمرنا , احساس روح , cute world , dodo_nada , dr.deroo , بدون اسم , elromany , eng.basem , Eslam Saviola , بنت اداب , HoBa_KAmmAH , حماده , ياراااا , Lovely Marmora , mena_nona , MiLaNo0o , Mo2mEn , Mo7amed Elawadi , MONMON , MOSHKELA , Mr BebO , Mr Zezo , Mr.MoUsA , Ms MemO , nolove_nofell , سلمى , ساسو ستار , ساندى , سـارة كـات , PEPSI , saso.star , silia , فلسطينى انا , yara , yasmin_yaso , Yu-Gi-Oh!GX , zozo love , نهايه الحب , ضي العين , قلب العصفورة |
| أدوات الموضوع | |
| انواع عرض الموضوع | |
العرض العادي
|
|
| نسخة المنتدى
الخفيفة : أعزائنا
الكرام أعضاء منتديات مدينة بهدلة
للتصفح السريع |
| أعلانات نصية دليل مدينة بهدلة / ضع موقعك هنا / ........... |
